|
Открываем "Хронограф",начинаем читать:
О убиении Батыеве.
"В лето 6756 безаконный Батый недоволенъ быстъ,иже толика крови излиа христианския,но устремляся на западныа Угры к вечерним странам,ихже преже не ходи,и многы грады взять и люди высече и достиже и до великаго града Варандина,иже бъ среди земля Оугорьскыя крепок зело,водами отовсюду обведен,посреди же града столп каменъ высок зело.Самодръжець же бъ тогда краль Владиславъ Оугромъ и Чехомъ и Немцемъ и всему Поморию,егоже святый Сава Серпский крести и нарече Владислава.Сей не поспъ собратися с силою и затворился во градъ на столпе и смотряша бываемаа зла отъ мучителя,со слезами моляша бога,не имы что сотворити.Сестра же его бежаши к нему во градъ,ея же имше и къ Батыю приведоше.Краль же паче приложе къ слезамъ слезы.И съ внезапу ста некто предъ кралемъ невидимъ бысть.Сошедъ же съ столпа краль,видъ конь оседланъ,никим же дръжимъ,о собъ стоящь и секира на немъ.И отъ сего разумеша помощь божию.Самодръжецъ же,вседъ на коня оного,изыде изъ града съ сущими с нимъ на варвары.И абие страх нападе на нихъ,и на бегство оустремишася,они же,гоняще,многы избиша.Оугры же,ставши въ станех Батыевех,Татарове же,не ведуще бывшаго,въ станы прихожаху.Оугры же всехъ избиваху.Батыеве же,бежащу ко Оугорскимъ планинамъ,зле житию конец приемлеть,оубиенъ Владиславомъ.Глаголють же сущии тамо,яко егда соплестися Владиславу съ Батыемъ,сестра же самодръжца Владислава помогаше Батыю,ихже краль обоих погуби. И тако всехъ сущихъ безсерменъ избиша Оугри,елици же восхотеша креститися,техъ повеле самодръжецъ оставляти.Сотворенъ же бысть краль медным лианием(в др.списке излиянием,т.е.вылитую из меди) на коне и секиру въ руцъ держа,еюже Батыа оуби,и поставленъ на преже реченнемъ столпъ на память прежнимъ родомъ."
Интересная любовь венгерской принцессы и "дикого монгольского хана"..
|